重男輕女｜港女住公屋月繳一半人工做家用 揭被母用作補貼哥哥租私樓

重男輕女的傳統思想早已不合時宜。一名女網民在網上發帖，指家住公屋的表妹每月都會上繳一半人工做家用，唯近日卻揭發原來家用全被母親用作補貼哥哥租私樓；而哥哥除了只需自行交一半租，更不用給予家用。此事讓表妹深感不公，更傷心得哭了一晚。

該名女網民周三（16日）在「香港討論區」以「阿妹住公屋，但交既（嘅）家用被拎去幫補阿哥租樓」為題發帖，指表妹一家住公屋，其哥哥（即樓主表哥）早前搬走租私樓，每月租金為2萬多元。

樓主指出，表妹每月都會上繳一半人工作家用，又形容對方「乖乖女又孝順」，

「我同佢關係都好好。佢前排同我呻，佢加咗少少人工，然後佢媽即要求佢畀多啲家用，嗰一下佢先知原來佢交嘅家用全部拎晒去補貼阿哥租樓......」

得知每月家用被用來補貼哥哥一半租金的真相後，樓主指表妹傷心得「喊咗成晚」；雖然由細到大都心知父母重男輕女，「佢都忍，但今次佢真係好失望，佢冇諗過佢畀嘅錢居然係拎去貼阿哥租樓，所以佢阿媽成日呻唔夠錢使就係咁。」而令樓主替表妹感到不公的是，表哥從來都不用給予家用，

「而家表哥家用又唔使畀，仲有人貼錢畀佢租樓，表妹就每個月交一半家用......以前都知佢哋家庭重男輕女，但估唔到可以咁唔公平......」

樓主又補充，表妹要給予家用的數字很大，而未能搬走生活；至於不用給家用或減家用的做法，亦不太可行，「但呢筆錢係以家用名義畀阿媽......（減家用）佢阿媽唔會同意。」

網民：阿哥「冇鬼用」

此事引來網民熱議，不少人均認為樓主表妹的母親過分溺愛兒子，十分偏心，又認為表哥不給家用、要家人補貼租樓是「冇鬼用」：

（↓點擊圖片放大↓）

同場加映：

20摺小籠包皮薄餡靚 人生不得不吃8道經典上海菜

{{hket:ul-video id="3105"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴